ANG PINAGMULAN NG DAIGDIG (SI MALAKAS AT SI MAGANDA)





ANG PINAGMULAN NG DAIGDIG

(SI MALAKAS AT SI MAGANDA)


Noong unang panahon, walang lupa sa ating

daigdig. Ang mayroon lamang ay ang

malawak na Karagatan at Langit. Walang

humpay naman na naglalagalag sa daigdig ang isang Ibong mandaragit, na tila isang

lawin. Isang araw, napagod ang Ibon sa paglipad, ngunit wala siyang matahanang lupa.

Kaya, pinagaspas ng Ibon ang kanyang pakpak at umihip ang malaunos na hangin sa

Karagatan. Nayanig ang malawak na Karagatan na nagluwal ng daan-daang daluyong

na abot-langit. Nagpaulan naman ang Langit ng mga isla upang mapanatag ang

Karagatan. Nang pumayapa na ang karagatan, inutusan ng langit ang ibon na manahan

sa isang isla at huwag na muli silang gagambalain.

Sa panahon ding iyon, ikinasal ang Hanging Amihan sa Hanging Habagat. Ang

kanilang pagmamahalan ay nagluwal ng isang anak - ang Kawayan. Isang araw,

nagpapaanod ang Kawayan sa isang ilog nang matamaan nito ang paa ng Ibong

nagpapahinga sa pampang. Sapagkat naniniwala ang Ibong walang maaaring manakit

sa kanya, tinuka ng Ibon ang Kawayan hanggang sa mabiyak at mahati ito sa dalawa.

Mula sa pagkakahati, iniluwal ang lalaking si Malakas at ang babaeng si Maganda.

Pagkatapos, ipinatawag ng Lindol ang lahat ng mga nilalang ng daigdig upang

mapagpasyahan kung ano ang magiging kapalaran ng lalaki at babae. Sa huli,

nagkasundo ang lahat na mag-iisang dibdib sina Malakas at Maganda. Nagluwal ang

kanilang pagmamahalan ng napakaraming supling.

Lumipas ang panahon at lumaking batugan ang mga anak nina Malakas at Maganda.

Sa sobrang katamaran ng mga anak, hinangad ng mag-asawa na palayasin na ang mga

ito. Kaya lang, hindi nila alam kung saan maaaring manirahan ang mga anak. Umusad

1 Sandaang Salaysay: Ang Pinagmulan ng Daigdig (Si Malakas at Si Maganda)

ang panahon at lumaki pang lubos ang bilang ng mga anak hanggang sa nawalan na ng

kapayapaan sina Malakas at Maganda. Sa sobrang inis, kumuha si Malakas ng isang

patpat at pinaghahampas niya ang lahat ng mga anak.

Nasindak ang kanyang mga anak kaya’t kumaripas ang mga ito sa iba-ibang direksyon -

may nagtago sa mga silid at sa likod ng mga pader ng kanilang bahay, may nagtago sa

may pandayan, ang iba nama’y nagsikalat sa labas ng bahay, habang ang iba’y pumalaot

sa karagatan.

Itong mga nagsikalat na supling nina Malakas at Maganda ay ang ninuno ng iba-ibang

lahi ng daigdig.

Ang mga nagtago sa silid ng bahay ay ang ninuno ng mga Datu ng mga isla; ang mga

nagsitago naman sa likod ng mga pader ay ang ninuno ng mga Alipin; at ang mga

nagsikalat sa labas ng bahay ay ang ninuno ng Malalaya. Ang mga nagsitago sa

pandayan ay ang ninuno ng lahing Maitim, at ang mga pumalaot ay ang ninuno ng

lahing Mapuputi


Comments

Post a Comment

Popular posts from this blog

Mga Uri ng Aswang,

Image
  Mga kampon ng dilim, sa lumang mitolohiya ng pilipinas maging sa makabagong panahon kilalang kilala ng mga Pilipino ang aswang. Mga kwentong katatakutan at kababalaghan, kilalanin natin ang ilan sa mga ibat-ibang uri ng Aswang. Asuang  -  Si Asuang ay isang sinaunang diwata o diyos nang lumang panahon bago sakupin m´ng mga kastila ang Pilipinas  Siya ang panginoon ng lahat ng mga halimaw at karaniwang aswang sa Ibalong(Sinaunang Bikol) mula sa mga lumilipad na halimaw hangang sa mga aswang ng dagat.  Sinasabi na si Panginoong Asuang ay kaakitakit na lalaki,may mahabang buhok, matangkad at matipuno ang pangangatawan. Ngunit ibinubunyag ng liwanag ng bwan ang tunay nitong anyo na nakakapangilabot na halimaw, may sungay, pangil at paa ng malaking kabing,kagaya sa modermong imahe ng demonyo. Asuang poon ng karimlan diwata ng kasamaan Ayon sa alamat si Asuang ay naninirahan sa bulkan ng Malinao sa Bikol. Siya rin ang ama ng maraming kalating halimaw sa Ibalong, pin...
Read more

Mitolohiya

Image
  Mitolohiya ng Pilipinas A ng  mitolohiya  ay isang halos magkakabit-kabit na kumpol ng mga tradisyonal na kuwento o mito (Ingles:  myth ), mga kwento na binubuo ng isang partikular na relihiyon o paniniwala.  Karaniwang tinatalakay ng mga kwentong mito ang mga diyos at nagbibigay ng mga paliwanag hinggil sa mga likas na kaganapan.  Halimbawa na ang kung paano nagkaroon ng hangin o mga karagatan.  May kaugnayan ang  mitolohiya  sa  alamat  at  kwentong-bayan . Ang mitolohiya ay tumutukoy sa isang koleksyon ng mito o mga kwento na nagmumula sa partikular na kultura, lipunan, o relihiyon. Karaniwang kasama sa mga mito ang mga nilalang na may kababalaghan, mga diyos, diyosa, bayani, at mga alamat ng mga nilalang. Ang mitolohiya ay naglalaman ng mga kwentong naglalarawan ng pinagmulan ng mundo, natural na mga pangyayari, at mga kaugalian at paniniwala ng isang lipunan. Ang mga mito ay kaakibat ng tradisyon ng iba't ibang sibilisas...
Read more

Diwata

Image
  Mga Diwata ng Pilipinas Ang diwata ay ang mga sinaunang diyos at diyosa ng mga ninuno at mga sinaunang Pilipino. Ngunit ng sakupin ng mga Kastila ang kapuluaan ay binago ng mga nila ang pananaw ng mga katutubo at mamayan ng sang kapuluan. Ang ibang mga diwata ay tinuring na demonyo, ang ilan ay tinuring na mang-aakit at engkanto. Mula pagiging diyos o diyosa bumaba ang tingin ng mga tao sakanila dulot ng walang humpay na pagduldol ng kaisipang banyaga sa mga tao ng sangkapuluan. Sa mitolohiyang Pilipino, ang isang diwata (hango mula sa Sanskrit na devata देवता; [6] encantada sa Kastila) ay isa uri ng diyos o espiritu. Nagkaroon ng mga antas ng kahulugan ang katawagang "diwata" simula noong paglagom nito sa mitolohiya ng pre-kolonyal na mga Pilipino. Tradisyunal na ginagamit ang katawagan sa mga rehiyon ng Kabisayaan, Palawan, at Mindanao, samantalang anito ang ginagamit kapag sinasalarawan ang engkanto sa Luzon. Parehong katawagan ang ginagamit sa Bikol, Marinduque, Romblon...
Read more